Charta qua Heldegardis, Rotberti filia, ecclesiam sancti Christophori in villa que vocatur Boscarreries et alteram ecclesiam in honore sancti Petri monasterio Cluniacensi dat.
Sacrasanctam hac venerabilem æcclesiam dicatam in honore sancti Petri, apostolorum principis, sitam videlicet in pago Matiscensium, ubi domnus Eymardus humilis pater preesse et prodesse videtur. Ego quidem Heldegardis, Rotberti filia, cedo jam dictę ecclesię aliquid ex rebus meis, pro remedio scilicet animę meę, sive parentorum meorum: hoc est villa que vocatur Boscarreries, et medietas unius ecclesię in honore sancti Christophori, necnon et quarta pars ex altera quę est in honore sancti Petri dicata, cum omnia quicquid ad predictam villam aspicere videntur, tam mancipiis utriusque sexus, quam terris, usque inexquisitum vel inquirendum, totum ad integrum, ut faciant inde quicquid voluerint. S. Heldegardis, qui hanc donationem fier et firmare rogavit. S. Girberni, ejus filii; Bonihominis, Erlulfi, Ugonis, Ingelboldi, Stephani, Sigoldi. Maynardus sripsit, regnante Gondrado rege in Gallia.